| تبليغات | X |
بیلدیغیز کیمی بیرلشمیش میللت لرین یئنی قطعنامه سینده بعضی میللیت لردن کی ایران` آدلانان اؤلکه ده یاشاییرلار آد گئدیب ، آما بیز آذربایجانین تورک اولوسوندان کی 35000000 نفوسوموز وار ، بیزدن بیر قورو آد دا گئدمی ییب. بو مسئله آیدین لیغلا گؤسته ریر کی بو باشقا مملکت لردن بیز تورک لره ایشیق یانمی ییب و یانماز. بیز آذربایجانین تورک لری ، اقلیت یوخ بلکه اکثریت ده اولاراق ، اؤز حاققیمیزا ال تاپمیریک کی هئچ ، حتی آدیمیزی دا ایسته ییرلر ، یئر اوزوندن سیله لر. البت کانادا کیمین بیر مملکت دن کی دونیادا اوزونو بیر آیدین فیکیر مملکت تانیتدیریر بو ایش بعید ایدیر ، آما هر نه اولسا ، اونلار دا اینگیلیسین بیر بالالاری دیرلار و اینگیلیس کیمین مملکتین سیاست لری بیزه بللی دیر. بو کافر و آللاهی تانیمییان ارمنی لردن بوندان آرتیق اینتیظار یوخدور. آما ایندی لیکده بیز آذربایجانین تورک اولوسو ، بو جریان لا نه قیلیق اوجاه گلمه لی ییک؟ بو مسئله نین قیزاغیندان بو راحات لیفلا گئچمک اولار؟ یا کی گرک بیر دوزگون یول توتوب و اوزوموزو دونیایا بوندان آرتیق تانیتدیراق و اؤز حاقلاریمیزی هامی نین گؤزونه گؤسته رک و گؤرمویه ن گؤزله رین ایچینه ده بو حاقلاریمیزی زورلا سوخوب و اونلارا آنلاداق کی بیز هله تورکوق. هله بابکین بالالاری اؤلمویوبلر کی سیز دوروب و بئله راحات لیغلا اونلارین حاقلارین داناسیز. هله آتیلا`نین قارداشلاری دیری دیلر و اونون بایراقین اللرینه آلیب و دونیانی تیتره ده بیلرلر.
آذربایجانین باشی اوجا و آنلی آچیق اولوسو ، تاریخ بویو بو اؤلکه ده و اؤز آنا دیللرینه یاشاییب و باشقا میللت لره ده یاشاییش وئریب و اونلاری دا تمدن ساحه سینه قاتیب و اؤزونه بیر قونشو میللت سایاراق ، همیشه اونلارین حاقلارینا ایحتیرام قویوب و حتی اونلارین یولوندا چالیشیب و قونشولوق حاققینی یئرینه یئتیریب ، آما حئییف کی بو قونشو میللت لر ، دوز یئییب و دوزدانی سیندیردیلار. بو میللت لردن بیریسی فارس لاردیلار و آیری سی کوردلر.
تاریخ دئدیغی کیمین بو تورک لر ایدیلر کی 1000 ایل حکومت لرینده (ایران آدلانان اؤلکه لره) فارس دیلینی بئجه ریب و ایندی کی وضعه چاتدیریبلار. سلجوقلار`ین اؤنملی ایشلری بو یولدا هئچ کیمسه یه گیزلین دوگول و هامی اونو بیلیر. نیظامی ، مولوی ، خاقانی ، شهریار و ... شاعیرلر آذربایجان توپراقیندان قالخیب و اؤز آنا دیللرینین قیراغیندا فارس دیلینه ده سؤی دئییب لر و بو دیلی آغیرلاییب لار. آما بو دوز یئییب دوزدان سیندیران فارس لار ، ایندی او تورک شاعیرلرین تورک اولماقلارینی (یعنی وارلیق لارینی و کیملیگ لرینی) دانیب و ایسته ییرلر اونلاری اؤزلریندن بیله لر. البت ده بئله بیر اوغورلامالار بیزیم حاققیمیزدا چوخ اولوب و اولور ، آما گرک بو جریانین قاباغین توتوب و اونلاری اؤز حاقلارینا واقیف ائدیب و اوندان آرتیق ایتک لرینین قاباغیندا دوراق.
ایر سوروشورسوز کی نیه آذربایجانین تورک میللتینی ، کانادا کیمین بیر مملکت تانیماق ایسته میر ، گرک بو سورغونون جاوابین ، ائیله بوردا و ایران آدلانان اؤلکه نین ایچینده آختاراسیز. مگر بیزی بو ایران دا هله رسمیته تانی ییبلار کی ایستی یه ک کانادا دا دا تانییالار؟ مگر بوردا بیزی تورک تانیرلار؟ مگر بیزه حاق قائیل دیلر؟ ... ایران آدلانان اؤلکه ده حاکیم اولان فارس شئونیست لری هر گون بیر طریق له بیزیم وارلیغیمیزی و کیملیگیمیزی دانیرلار و اساساً هئچ جوره حاق بیزه قائل دوگول لر.
بو شئونیست لر ایستر ایصلاح طلب اولسونلار ، ایستر اصول گرا اولسونلار ، ایستر میللی گرا اولسونلار ، ایستر بیر باشقا گروپلاردان اولسونلار ، هامی سی بیر یازیلمامیش یاسا یا عمل ائدیرلر. شاید ده یازیلیب و بونلار وظیفه لری او یاسانی عمل ائیله مک دیر و بیزیم خبریمیز یوخدور. و اودا بودور کی اینگیلیسین اکدیغی توخومی گرک هر جوره کی اولمالی دیر سوواریب و اونو بویوده لر. تاریخ دئییر کی 80 ایل بوندان گئری ، او زامان کی اینگیلیس ایسته ییردی ایران آدلانان اؤلکه نین شاهلیغینی دئییشه ، بیر هدفی بو ایدی کی ، ایرانین شاهلیغینی تورک لر دن آلیب و بیر باشقا میللته وئره ، و بو آرادا قاجار`لارین ضعیف لیق زامانی اونلارا کؤمک ائیلی ییب و راحات لیغلا اؤز ایستک لرینه ال تاپدیلار.
یوخاری دا ساییلان گروپلارین (ایصلاح طلب ، اصول گرا ، میللی گرا) جفالاری بیز آذربایجانین تورک اولوسونون حاققیندا قورتاریشی یوخدور و هر گون بیر تئزه قییافه ده اؤز گوسته ریر. و بونا امین اولون کی بو گروپلار هامی سی بیر زادین دالیجادیلار و ظاهیردا اولان تفاوت لاری دا بیزی سریماق اوچون دور. و بونلارین هامی سی بیر کیفیر اویون دور کی تاریخ سونرالار گؤسته ره جک کی بونلار و بونلاردان قاباغ پهلوی لر نه لر ائیلی ییب لر؟!
هاشیمی رفسنجانی` نین دانیشیغیندان هله چوخ گئچمی ییب کی اوتانمییا اوتانمییا فارس دیلینی آلا گؤیه چیخاردیب و اونو آغیرلاما ایسته دی.
خاتمی` نین «نژاد پاک آریایی» دن دانیشیغی و یا نوروز بایرامی نی دونیانین بوتون فارس دیلینه دانیشانلارینا تبریک عرض ائیله مه سی هله یادیمیزدان چیخماییب.
ورجاوند`ین (میللی جیبهه نین دانیشانی) تئزه سؤزلری کی شئونیست لرین اوزلرینی آغاردیر ، هله یادیمیزدادیر و اونوتمالی دوگول.
یا نئچه گون بوندان قاباغ ایدی کی تیلیویزیون دا ایکینجی کانالین آخشام سگگیز یاریم خبرلرینده ، خبر دیین گلیب و دئدی کی آستارانین اهالی سی (دؤرد بئش دنه ساتقینا ، آستارانین اهالی سی دئییلیر) ایسته میرلر کی آستارا گیلان دان آیریلیب و اردبیل اوستانینا قاریشا. بو خبر دیین دئمه دی (یعنی دییه بیلمزدی) کی آستارانین اهالی سی ایندی نئچه ایل دیر کی چالیشیرلار اؤز شهرلرینی کی بوتون تورک دورلر اردبیل اوستانینا قاتالار و اؤزلرینی گیلان دان آییرالار. بونلار بیز تورک لرین چالیشمالارینی گؤره نده ده اؤزلرینی آیری یولا وورورلار و قانمامازلیغین اوزونو آغاردیرلار.
بو وضعیت ده شئونیست لرین سؤزلرینه اوخشار سؤزلری کانادالی لارین آغزیندان ائشیتماق یئنی بیر مسئله دوگول ، بونا گؤره بیزیم ایلک ایشیمیز بو اولا بیلر کی اؤزوموزنن بو شئونیست لرین تکلیفینی مشخخص ائدک.
ایر قرار اولسا بیز ایران آدلانان اؤلکه لر ده باشقا میللت لرینن بیر یئر ده یاشییاق ، بیزیم حاقلاریمیز دا گرک یئرینه یئتیشه ، یوخسا ایران چه ر چی واسیندا قالماق داها هئچ نفعی بیز تورک لره یوخدور. بودور کی گرک میللتیمیزی بوندان آرتیق اویاق ائدیب و اؤز حاقلارینا آیدین ائدک.
يکشنبه 18 دسامبر 2005
قطعنامه سازمان ملل درباره وضعيت حقوق بشر در ايران
مجمع عمومی سازمان ملل متحد با رأی مثبت به قطعنامه پيشنهادی کانادا، نسبت به آنچه "تداوم کاربرد شکنجه و رفتارها و مجازاتهای بيرحمانه، غيربشری و تحقيرآميز عليه بازداشت شدگان در ايران" خوانده شده است ابراز نگرانی جدی کرد.
اعدام در ملأ عام و مجازات مرگ برای کودکان، نقض حقوق اقليتهای قومی و نژادی و ارعاب فعالان حقوق بشر، روزنامه نگاران و وبلاگ نويسان و پيگرد قضائی آنان موضوعات ديگری هستند که در قطعنامه عليه ايران مطرح گرديده و نسبت به آنها ابراز نگرانی شده است.
اين قطعنامه به اعراب، کردها، بلوچها، مسيحيان، يهوديان، مسلمانان سنی مذهب و بهائيان به عنوان گروههايی که به دلايل مذهبی، قومی و زبانی مورد تبعيض قرار می گيرند اشاره کرده و از دولت ايران خواسته است تا به نقض حقوق بشر عليه اين اقليتها، "در قانون و در عمل" پايان دهد.
همچنين از شورای نگهبان انتقاد شده که مانع از اصلاح "قوانين تبعيض آميز" می شود و از جمله، مصوبه مجلس ايران در سال 1382 برای پيوستن به کنوانسيون رفع تبعيض عليه زنان را رد کرده است.
قطعنامه عليه ايران روز جمعه با 75 رأی موافق در مقابل 50 رأی مخالف و 43 رأی ممتنع به تصويب مجمع عمومی سازمان ملل متحد رسيده و طی آن از اين کشور خواسته شده است رفتار خود را تغيير دهد و با فرستادگان ويژه سازمان ملل متحد در امور حقوق بشر همکاری کند.
بیرلشمیش میللتلر۳۵ میلیون آذربایجانلینین حاقلارینی گورمدی!!!
بیرلشمیش میللتلر ایرانی اینسان حاقلارینا قارشی اولدوغونا گؤره محکوم ائلدی. آنجاق تاسسوف له آذربایجان تورکلرین حاقلاریندان هئچ بیر سؤز کئچمدی !!? بو گؤستریر کی بیز 35 میلیون بیر میللت اولاراق نئچه میلیونلوق عربلر و کوردلر قدرده باشارا بیلممیشیک دونیادا وه حتتی منجه ایرانین ایچینده ده اؤز ازیلمیش حاقلاریمیزی دوغرو آچیقلایاق. آمما بونو بیلملیییک کی بو وضعیییت بیزیم گلجییمیزه چوخ منفی اثرلری اولا بیلر و بیز بو وضعیییتی دییشملیییک. اگر ایندییجک بیزیم بیر عمومی مئدیامیز یوخویدو, آمما ایندی گوناز تونین بیر بؤیوک مسولیییتی وار و گرک بیزیم بو دالا قالدیغیمیزی تئزلیکله هامیمیزین ال اله وئرمییمیزله بیر یئنی وضعیییته کی بیزی ایراندا میللی حاقلارین مودافیسینده باشچی کیمی یئرلشدیرسین, دییشدیرک. بو یولدا بیز گرک بیر بؤیوک چالیشیقا باشلایاق. دونیا بؤلگسینده گرک بئله بیر خبرلره بیر ایجتیماعی حرکتلرله او جوملدن “اونین” و “جانادا” دؤولتینین ائلچیلیکلرینین قاباغینا ییغیشما و تومارلار تسلیم ائلمکله اؤز اعتیراضیمیزی بیزیم میللتین حاقلارینین اونودولماسینا گؤسترک. هابئله گلن ایللرده ون و اینسان حاقلاری نگاو لاری سندلرله و اؤز اعتیراضلاریمیزلا مجبور ائدک بیر بؤیوک ظلمه کی بیر بؤیوک میللت حاققیندا ایراندا کئچیر, محکوم ائلسینلر. آیری طرفدن بیز گرک اینتئرناسیونال دیللرده او جوملدن اینگیلیس و فرانسا دیللرینده یاییلان قزئتلرده وه مئدیالاردا تانینمیش بؤیوک عالیملریمیزین اللریله, میثال اوچون در. رضا براهنی کیمی شخصلرله, بو بؤیوک ظلمو دونیایا آچیقلایاق نییه کی بو دونیا دا هر میللتین سسی چوخ مئدیالاردا یاییلسا او قدر باشاریجی اولاجاق. تاسسف له بونو فارسلار کوردلر و ائرمنیلر کی بیزیم بؤیوک دوشمنلریمیز اونلارین ایچیندندی هامیدان یاخشی بیلیرلر و عمل ائدیرلر! گوناز تو آذربایجان و دونیا خبرلرینی هر گئجه ایزلسه و اونلاری بیزیم باخیشیمیزلا تحلیل ائلسه چوخ گؤزل و اثرلی اولا بیلر. منجه تورکساته گیرمکدن سورا, گونده بیر ساعات خبر تحلیل و دیل و تاریخی بیلگیلر فارس دیلینه یاییلماسی بیزیم سؤزلریمیزی بوتون ایرانلیلارا یئتیره بیلر و بو بیزه چوخ اؤنملیدیر. بیز گرک یئنی مئدیالار و خوصوصیله رادیو تیلویزییون لره بؤیوک اهمیییت وئرک و گوناز تو کیمی سییاسی کاناللارین قیراغیندا, فارس لارین هوتبیرده دا گونده آرتان تفریحی-تیجاری کاناللار کیمی اؤز دیلیمیزده تیلویزییونلر یاراداق کی آذربایجان و تورکییه موسیقی و فیلملرینی یایسین. بونلارین بیر نئچسی هوتبیرد دا اولماسی چوخ اؤنملیدیر نییه کی بو ساعات چوخ تاماشاچیسی وار و تا سسف له تورکو کاناللار اوندا چوخ آزدی. اولسون کی بیزیم مئدیالاردا سسیمیز لاپ آزی ساییمیزا قدر یئتیرسین.
آیدین تبریزی